Бүгін «Қыс қызығы» апталығының екінші күні ерекше шығармашылыққа толы өтті. Күннің тақырыбы – «Түрлі түсті сумен сурет салу».
Балалар түрлі түсті боялған суды пайдаланып, қиялдарындағы қыс көріністерін бейнеледі. Бұл әдіс арқылы бүлдіршіндер өздерінің шығармашылық қабілеттерін дамытып, түстерді ажырата білуге және үйлестіруге үйренді.
Сурет салу барысында балалар ерекше қызығушылық танытып, әрқайсысы өз жұмысына үлкен жауапкершілікпен қарады. Түрлі түстер арқылы қыс мезгілінің әсемдігін жеткізе білді.
Күн өте көңілді, әсерлі өтті. Бүлдіршіндердің жасаған туындылары баршаға көтеріңкі көңіл-күй сыйлады.