13 наурыз 2026 жылы қалалық білім бөлімінің жоспарына сәйкес “Шабыт” желілік қауымдастығының “Бөбек kids” жеке бөбекжайында ерекше шығармашылыққа толы “Өнерлі өрнек” қолөнер көрмесі өтті.
Шараның негізгі мақсаты – балалардың шығармашылық қабілеттерін дамыту, ұлттық қолөнерге деген қызығушылығын арттыру және ата-ана мен бала арасындағы ынтымақтастықты нығайту.
Көрмеге әр топтың тәрбиеленушілері ата-аналарымен бірге дайындаған түрлі қолөнер бұйымдарын ұсынды. Қағаздан, табиғи материалдардан, мата мен жіптен жасалған әсем жұмыстар көрменің сәнін келтірді. Әрбір бұйымнан баланың қиялы мен ата-ананың қолдауы анық байқалды.
«Өнерлі өрнек» көрмесі барлық қатысушыларға көтеріңкі көңіл-күй сыйлап, ата-аналар мен педагогтар арасындағы ынтымақтастықты одан әрі нығайтты.
